A janë mëkatet prej shkaqeve të fatkeqësive të ndryshme?
***
Përgjigjja:
Lejohet përmendja e nodnjë shkaku të vërtetë, qoftë kjo tërmet apo sprovë apo varfëri. Madje është e udhës që në situata të tilla t’iu bëjmë thirrje njerëzve t’i kthehen Allahu me pendim e përmirësim. Allahu në librin e tij fisnik na ka treguar se gjynahet e padrejtësitë janë shkak i të keqes dhe çregullimit:
“U shfaq ngatërresa (çregullimi) në tokë dhe në det për atë që punuan duart e njerëzve.” (Rrum: 41)
Poashtu ka thënë:
Çfarëdo e keqe që mund t’ju godasë, ajo është pasojë e veprave tuaja, e për shumë të tjera Ai u falë. (Esh-Shura: 30)
Kur ju goditi juve fatkeqësia (në Uhud), e ju më parë i patët goditur armiqët tuaj dyfish (në Bedër), thatë ju: “Prej nga na erdhi neve kjo?!” Thuaj (o Muhammed!): Kjo është prej vetë juve. (Ali Imran: 165)
Tekstet fetare në këtë çështje janë të shumta dhe të njohura, andaj s’ka dert nëse njeriu e përmend diçka si shkak të ndonjë sprove, nëse ajo realisht ka mundësi të jetë shkak, edhe pse ka mundësi që të ketë akoma më shumë shkaqe të cilat ne nuk i dijmë.
Nëse ne e llogaritim si shkak diçka që Allahu e ka llogaritur si të tillë, atëherë kjo nuk është prej gjërave të cilat thuhen për Allahu pa dituri, madje jemi duke thënë për Allahun diçka që ai na e ka mësuar për Veten e Tij, në këtë rast, thënia se shkaku i ndodhjes së fatkeqësive janë mëkatet dhe veprimet e duarve tona.
Shejh Ibn Uthejmin
Përktheu: Ali Ashani
