Përfaqësuesi i Lartë i Bashkimit Evropian (BE) për Punët e Jashtme dhe Politikën e Sigurisë Josep Borrell tha se parlamenti izraelit (Knesset) duhet t’u japë fund përpjekjeve për ta përcaktuar Agjencinë e Kombeve të Bashkuara për Ndihmë dhe Punë për Refugjatët Palestinezë në Lindjen e Afërt (UNRWA) si një “organizatë terroriste”.
“Ndalimi i UNRWA-së dhe etiketimi i saj si ‘terroriste’, gjë që nuk është, do të thotë të synosh stabilitetin rajonal dhe dinjitetin njerëzor të kujtdo që përfiton nga puna e agjencisë së OKB-së”, shkroi Borrell në një postim në llogarinë e tij në X.
“Ne u bashkohemi shumë vendeve tona partnere duke i bërë thirrje qeverisë izraelite që t’i japë fund kësaj marrëzie”, shtoi kryedoplomati evropian.
Në Izrael, tri projektligje, që shpallin UNRWA-n “organizatë terroriste”, që ndalojnë punën e saj në vend dhe heqin imunitetin e punonjësve të saj, kanë kaluar votën e parë në parlament.
/trt/
