Artikuj të botuar nga analistë të njohur në gazetat izraelite Maariv, Yedioth Ahronoth dhe Haaretz tregojnë një shqetësim në rritje brenda qarqeve ushtarake dhe mediatike izraelite se luftimet në Liban mund të shndërrohen në një luftë të gjatë konsumimi (attrition war).
Megjithëse në Izrael është festuar kontrolli mbi Kalanë e Shqifit (Beaufort Castle), shumica e analistëve izraelitë bien dakord se ky është një sukses taktik i kufizuar, i cili nuk përbën një fitore strategjike dhe as nuk e eliminon kërcënimin e Hezbollahut.
Pikat kryesore që pasqyrojnë këto artikuj:
▪️ Frika nga përsëritja e përvojës së “zonës së sigurisë” në Libanin Jugor, e cila u shoqërua me humbje dhe konsumim të vazhdueshëm, duke e detyruar Izraelin të tërhiqej në vitin 2000.
▪️ Pranimi se Hezbollahu ka përshtatur mënyrën e tij të veprimit, duke kaluar nga një strukturë ushtarake më e organizuar në taktika guerile dhe operacione të decentralizuara, të cilat janë më të vështira për t’u përballuar nga ushtria izraelite.
▪️ Rritja e shqetësimit për dronët sulmues, të cilët disa analistë izraelitë i konsiderojnë ndër sfidat më të mëdha operative aktuale.
▪️ Pranimi se kontrolli i kodrave dhe pozicioneve kufitare mund ta largojë kërcënimin përkohësisht, por nuk ofron një zgjidhje të përhershme; sepse tërheqja do të lejonte rikthimin e Hezbollahut, ndërsa qëndrimi do të nënkuptonte vazhdimin e konsumimit.
▪️ Kritika në rritje ndaj qeverisë së Netanyahut për paraqitjen e sukseseve të kufizuara ushtarake si fitore strategjike, ndërkohë që objektivat kryesore të luftës mbeten ende të paarritura.
Përmbledhje
Sipas këtyre analizave, një pjesë e rëndësishme e elitës izraelite e sheh frontin libanez si një ngërç të hapur. Nga njëra anë, Izraeli nuk ka arritur rezultatin vendimtar që synonte; nga ana tjetër, Hezbollahu vazhdon të ketë aftësinë për të ushtruar presion dhe për të shkaktuar humbje. Kjo ushqen frikën se konflikti mund të rrëshqasë në një luftë të gjatë konsumimi, pa një fund të qartë në horizont.
Rami Ebu Zubejde
