10.1 C
Pristina
Friday, October 22, 2021

Vuçiq: Unë e refuzova propozimin e QUINT-it për zgjidhjen e çështjes së targave me Kosovën

Më të lexuarat

Seanca e Këshillit të Sigurisë Kombëtare të Serbisë, në të cilën siç është thënë u diskutuan ngjarjet e fundit në Kosovë, tanimë ka përfunduar dhe pas saj është deklaruar presidenti Aleksandar Vuçiq.

Sipas mediave serbe, përcjell Telegrafi, Vuçiq i cili drejtoi seancën, tha se ai mori një propozim për zgjidhjen e situatës në vendkalimet kufitare me Kosovën në Jarinje dhe Bërnjak, por se ai e refuzoi atë propozim.

“… Ne kemi arritur në përfundimet se Serbia do të vazhdojë të këmbëngulë në ruajtjen e paqes dhe sigurisë së plotë për serbët në Kosovë. Deklaratat në të cilat na barazojnë dhe thonë se të dy vendet janë fajtore janë të papërshtatshme”, ka pretenduar fillimisht presidenti serb.

Ai gjithashtu vuri në dukje se dje ai mori një propozim nga BE-ja dhe vendet e QUINT-it se si duhet të duket një “zgjidhje kompromisi”.

“Unë e refuzova atë sepse nuk është kompromis dhe sepse e kthen Serbinë prapa. Shkurt – është një zgjidhje sipas së cilës 70 për qind e asaj që shqiptarët kishin ndërmend të bënin…”, ka shtuar tutje presidenti i Serbisë.

Reagimi i tij vjen pasi Qeveria e Kosovës ka marrë vendim që nga e hëna të vendoset reciprociteti ndaj Serbisë sa i përket targave të automjeteve.

Dokumenti është nënshkruar po të hënën, nga Ministri i punëve të Brendshme, Xhelal Sveçla.

Në vendimin të cilin e ka bërë publik vetë ministri Sveçla thuhet se “obligohet pajisja me targa të përkohshme për të gjitha automjetet që mbajnë targa të Serbisë dhe hyjnë në territorin e Republikës së Kosovës. Pajisja me targa të përkohshme bëhet në të gjitha pikat e kalimit kufitar të Republikës së Kosovës”.

Tutje në vendim thuhet se vlefshmëria e këtyre targave të përkohshme është 60 ditë.

Si rezultat i kësaj, në orët e mëngjesit të së hënës janë shtuar forcat policore në pikat kufitare me Serbinë për të mbikëqyrur zbatimin e këtij vendimi. /Telegrafi/

- Advertisement -spot_img

Më tepër

Të fundit