● Dje, radioja zyrtare izraelite (Kan) zhvilloi një intervistë me ish-këshilltarin e sigurisë kombëtare, gjeneralin në rezervë Giora Eiland.
● Ai theksoi shkurtimisht se, po të ishte realizuar ajo që dëshironte Jahja Sinwari (hyrja e Iranit dhe Hezbollahut në luftë menjëherë pas “Përmbytjes”), Izraeli do të kishte marrë fund dhe ekuilibrat në rajon do të kishin ndryshuar plotësisht.
● Ai tha: “Izraeli i shpëtoi zhdukjes për shkak të dy gabimeve të kryera nga dy persona: Hasan Nasrallahu dhe Ali Khamenei”, sepse ata nuk hynë në betejë që në fillim (jo në kuptimin e koordinimit me Sinwarin, por nëse Nasrallahu dhe Khamenei do ta kishin kuptuar ndjeshmërinë e situatës që u krijua atë ditë), domethënë dobësinë e Izraelit dhe mundësinë e befasimit ushtarak.
● Ai shtoi: flasim shpesh për 7 tetorin si një ngjarje shumë të vështirë dhe jashtëzakonisht të rrezikshme, më e rënda që nga Holokausti nazist; por ngjarja më e rrezikshme që mund të kishte ndodhur ishte që Irani dhe Hezbollahu ta sulmonin Izraelin menjëherë pas Përmbytjes së Aksasë.
● Ai konfirmoi se: “Izraeli mbijetoi falë gabimit të Nasrallahut dhe Khameneit; sepse sikur ata, pasditen e 7 tetorit, pasi u qartësua tabloja në Gaza, të kishin përdorur të gjitha kapacitetet e tyre të forcës, Izraeli sot nuk do të ekzistonte. Mbijetesa ishte rezultat i një gabimi fatal të kryer nga armiqtë tanë, në një kohë kur Izraeli ishte shumë pranë asgjësimit”.
● Ai tha se Hezbollahu ishte në gjendje të pushtonte Galilenë, të arrinte në Gjirin e Haifës dhe portin e tij, ku ndodhet pjesa më e madhe e flotës detare, si dhe të arrinte në aeroportin ushtarak Ramat David në Luginën e Jezreelit brenda pak orësh; dhe në atë moment Izraeli nuk do të dinte çfarë të bënte.
● Ai shtoi se, po të kishte lëshuar edhe Irani 200 raketa balistike precize mbi objektiva jetike në Izrael (menjëherë pas Përmbytjes), do të kishim qenë vetëm një hap larg shkatërrimit; prandaj Izraeli i shpëtoi një skenari të vështirë për t’u imagjinuar. Këto ishin dy gabime të kryera nga Nasrallahu dhe Khamenei (domethënë vonesa në hyrjen në luftë me forcë që në fillim, e jo më vonë).
● Shënim: Pas samitit me Trumpin, Netanyahu deklaroi për kanalin “Fox News” se “Izraeli ka dalë shteti më i fortë në Lindjen e Mesme”.
