Qeveria e Kuvajtit paraqiti të hënën dorëheqjen, pesë ditë pas vendimit të Gjykatës Kushtetuese për shfuqizimin e parlamentit të zgjedhur në shkurt, që zhyti vendin në një krizë politike, deklaroi ministri i Informacionit, Mohammad Abdullah al-Sabah.
“Qeveria organizoi një takim dhe vendosi t’i paraqesë dorëheqjen e saj emirit të vendit”, deklaroi al-Sabah, gjatë një konference shtypi duke shtuar se letra i ishte dorëzuar Emirit Sabah al-Ahmad.
“Qeveria dha dorëheqjen për t’i lejuar kabinetit pasardhës të marrë masa ligjore dhe kushtetuese të nevojshme për të zbatuar vendimin e gjykatës”, theksoi ministri./TRT/kohaislame
