Shumica e të vrarëve janë në lagjet periferike të kryeqytetit Damask.
Në shumicën e qyteteve të Sirisë ushtria siriane filloi me operacione kundër opozitarëve.
Në këto operacione janë vrarë 69 persona ku shumica prej tyre në lagjet periferike të kryeqytetit Damask.
Organizatat për Vëzhgimin e të Drejtave të Njeriut njoftojnë se në operacionet që ndërmori ushtria në rrethinën e Damaskut me armë të rënda janë vrarë 22 persona dhe u plagosën një numër i madh i tyre.
Bëhet e ditur se ushtria hapi zjarr ndaj manifestuesve në protestat e organizuara në zonën Midan të Damaskut.
Ndërkaq në shumicën e qyteteve si Humus, Halep dhe Hama u organizua një valë e re e operacioneve.
Nga zona Azez të Halepit janë dëgjuar shpërthimet dhe të shtëna armësh ndërsa qielli u mbulua me re të tymit.
Njoftohet se edhe në qytetin Deraa pas shpërthimeve të fuqishme u dëgjuan breshëri armësh.
Ndërsa qyteti Humus me shtëpitë e rrënuara pas bombardimit të artilerive të ngjanë në qytetin fantazmë.kohaislame
