Sahin: Një dozë përforcuese ndihmon në thyerjen e zinxhirit të infeksionit
Kreu dhe themeluesi i kompanisë gjermane Biontech, Ugur Sahin, beson se rivaksinimi vjetor kundër virusit Corona do të jetë i mjaftueshëm në të ardhmen.
Ai tha për Bild-in gjerman se doza aktuale përforcuese rrit mbrojtjen, e cila zvogëlohet me kalimin e kohës.
Ai tha se pret që mbrojtja të zgjasë më shumë sesa ishte rasti me dy dozat.
Rivaksinimi vetëm një herë në vit
“Rivaksinimi i radhës mund të nevojitet vetëm një herë në vit, si një vaksinë gripi,” shpjegoi ai.
Sahin tha se mbrojtja nga vaksinat ka filluar të bjerë që nga muaji i katërt.
Studimet e fundit të publikuara kanë treguar megjithatë se mbrojtja kundër simptomave të rënda është e lartë deri në muajin e nëntë.
“Doza përforcuese mbron dhe gjithashtu ndihmon në thyerjen e zinxhirëve të ardhshëm të infeksionit”, tha ai.
Ai theksoi se mund të ndihmojë në përballimin e pandemisë gjatë dimrit të ashpër që vjen. /tesheshi.com/
