Trudeau: Pse jam i zhgënjyer si katolik

Kisha Katolike duhet të marrë përgjegjësinë për drejtimin e një numri shkollash për të asimiluar popullsinë autoktone, tha kryeministri kanadez Justin Trudeau, pas zbulimit të eshtrave të 215 fëmijëve në një shkollë të tillë.

“Si katolik, unë jam shumë i zhgënjyer me pozicionin që Kisha Katolike tani ka marrë dhe ka marrë në vitet e fundit,” u tha ai gazetarëve.

“Ne presim që Kisha të marrë përgjegjësinë për rolin e saj në këtë,” shtoi ai.

Midis 1831 dhe 1996, sistemi kanadez i shkollave rezidenciale ndau me forcë gati 150,000 fëmijë indigjenë nga shtëpitë e tyre.

Dhuna, kequshqyerja dhe mizori të tjera

Një hetim gjashtë-vjeçar në sistemin kanadez të shkollës rezidenciale zbuloi në vitin 2015 se sistemi, i cili ishte hequr që nga ajo kohë, ishte një “gjenocid kulturor”.

Raporti dokumenton dhunën e tmerrshme fizike, kequshqyerjen dhe mizoritë e tjera ndaj të cilave ishin ekspozuar shumë prej 150,000 fëmijëve që ndiqnin ato shkolla.

Shkollat drejtoheshin kryesisht nga kisha të krishtera në emër të qeverisë së shtetit nga vitet 1840 deri në vitet 1990.

Raporti zbuloi se më shumë se 4,100 fëmijë vdiqën gjatë qëndrimit të tyre në shkollën rezidenciale.

Besohet se 215 fëmijë eshtrat e të cilëve u gjetën të varrosur nën atë shkollë më të madhe të tillë në Kanada nuk janë pjesë e asaj statistikë dhe se vdekjet e tyre mbetën të paregjistruara deri në këtë zbulim.

Varr masiv me 215 fëmijë autokton

Një varr masiv prej 215 fëmijëve indigjenë, të cilët ishin studentë në Kamloops Indian Residential School në British Columbia, e cila u mbyll në 1978, u zbulua këtë javë dhe eshtrat e tyre u gjetën me ndihmën e radarit special.

Trudeau tha se shumë “pyesin pse Kisha Katolike në Kanada është e heshtur dhe nuk shkon përpara”.

“Para se të fillojmë ta çojmë Kishën Katolike në gjyq, shpresoj që udhëheqësit fetarë të kuptojnë se kjo është diçka në të cilën duhet të marrin pjesë, jo diçka për t’u fshehur,” shtoi ai. /tesheshi.com/