0.3 C
Pristina
Thursday, January 26, 2023

Polakët bëjnë thirrje për qetësi pas 2 të vrarëve në sulmin e dyshuar me raketa në Poloninë lindore

Më të lexuarat

Sipas informacioneve të pakonfirmuara të raportuara në mediat polake, po kontrollohen dy variante, njëri që ushtria ukrainase rrëzoi një raketë dhe ajo ndryshoi kurs, dhe tjera se kishte një gabim programor rus

Polakët kanë bërë thirrje për qetësi për t’u tërhequr nga ndonjë konflikt pasi dy persona humbën jetën në shpërthimet në fshatin polak Przewodow, disa kilometra larg kufirit Poloni-Ukrainë, transmeton Anadolu Agency (AA).

Për kanalin televiziv ‘TVN24’, gjenerali Mieczyslaw Bieniek tha me “bindje të madhe” se këto ishin “raketa të rastit” që ranë në territorin e Polonisë.

“Në anën tjetër të kufirit është një kryqëzim hekurudhor. Ndoshta kjo është ajo që ata synonin”, tha Bieniek.

Radio Lublin raportoi se shërbimet e urgjencës dhe përfaqësuesit e ushtrisë po punojnë në një vend të një ferme të tharjes së drithërave, ku shpërthimi ndodhi rreth orës 15:40 sipas kohës lokale, por policia akoma nuk ka njoftuar arsyet e shpërthimit.

Polonia ka qenë një nga përkrahësit më të zhurmshëm të armatosjes dhe mbështetjes së Ukrainës kundër Rusisë. Ekziston një konsensus ndërpartiak se marrëdhëniet e ardhshme të Polonisë me Rusinë varen në thelb nga rezultati i konfliktit në Ukrainë.

Lideri i partisë opozitare polake Platforma Qytetare (PO), Donald Tusk, tha se “do të jemi të bashkuar në këtë moment të bashkuar”.

“Në raste urgjente, pavarësisht mosmarrëveshjeve të brendshme dhe vështirësive, të gjithë duhet të jemi të bashkuar dhe në solidaritet”, tha Tusk.

Nëse konfirmohet se sulmi i dyshuar u krye nga raketat ruse, kjo do të ishte hera e parë që dikush vritet në territorin e NATO-s si rezultat i një sulmi rus. Atëherë, të gjithë anëtarët e NATO-s janë të detyruar të mbrojnë çdo pjesë të territorit të aleancës sipas neneve 4 dhe 5 të traktatit të aleancës.

Sipas Associated Press, një zyrtar i inteligjencës amerikane tha se raketat ishin ruse. Sipas informacioneve të pakonfirmuara të raportuara në mediat polake, po kontrollohen dy variante, njëri që ushtria ukrainase rrëzoi një raketë dhe ajo ndryshoi kurs, dhe tjera se kishte një gabim programor rus.

Ministria e Mbrojtjes e Rusisë në llogarinë e saj në Telegram tha se ky është “një provokim i qëllimshëm për të përshkallëzuar situatën”.

“Asnjë goditje nuk u krye nga mjetet ruse të shkatërrimit kundër objektivave pranë kufirit shtetëror ukrainas-polak”, theksoi ministria ruse.

Situata është kritike pas një sulmi të fundit nga forcat ruse në objektet e infrastrukturës energjetike në Ukrainë. Disa nga raketat goditën pjesën perëndimore të vendit, afër kufirit me Poloninë. Rusët sulmuan qytetin Kovel në Volhynia. Qyteti ukrainas, i cili ndodhet rreth 65 kilometra nga kufiri polako-ukrainas, është pa energji elektrike. Kryebashkiaku i qytetit u bëri thirrje banorëve që të qëndrojnë në strehimore, sepse rreziku i sulmit ishte shumë i lartë.

Zëdhënësi i qeverisë polake, Piotr Muller, njoftoi se kryeministri Mateusz Morawiecki thirri në një takim urgjent Komitetin e Këshillit të Ministrave për Çështjet e Sigurisë Kombëtare dhe Mbrojtjes.

Varshava ka investuar shumë në marrëdhëniet e saj me SHBA-në, disa që besojnë se këtë e ka bërë shpesh herë në kurriz të marrëdhënieve të mira me Berlinin, Parisin dhe Brukselin.

Varshava dëshiron një bazë të përhershme të NATO-s në Poloni dhe një zhvendosje të trupave nga Gjermania në kufirin lindor të Bashkimit Evropian (BE).

Polonia ka pasur disa çështje të pazgjidhura në lidhje me ndërhyrjen e supozuar ruse në politikën e brendshme polake të paktën që nga viti 2014. Partia në pushtet Ligji dhe Drejtësia (PiS) ende beson se rusët ishin përgjegjës për një aksident avioni të vitit 2010 në Rusi që vrau rreth 100 figura të larta publike polake, përfshirë edhe presidentin e atëhershëm, Lech Kaczynski, rrugës për të përkujtuar masakrën e Katinit të vitit 1940 të robërve polakë të mbajtur nga NKVD.

- Advertisement -spot_img

Më tepër

Të fundit