11.3 C
Pristina
Friday, March 29, 2024

Një marrëveshje për gazin mes Katarit dhe Gjermanisë

Më të lexuarat

Katari ka njoftuar se do të furnizojë Gjermaninë me gaz të lëngshëm në të ardhmen dhe është rënë dakord për dërgimin e dy milionë tonë gaz në vit.

“Katari dëshiron të kontribuojë në sigurinë energjetike të Gjermanisë”, tha drejtori i kompanisë shtetërore Qatar Energy, Saad al Kaabi.

Ai në një konferencë për shtyp në Doha tha se dorëzimi duhet të fillojë në vitin 2026, dhe kontrata e dorëzimit është lidhur për 15 vjet.

Ministri gjerman i Ekonomisë dhe Energjisë Robert Habeck e përshëndeti vendimin për dorëzimin.

“Pesëmbëdhjetë vjet janë të shkëlqyera për ne,” tha Habeck, i cili ishte në Katar në mars për të rregulluar dërgesat e gazit të lëngshëm si një zëvendësim për mungesën e dërgesave nga Rusia.

Habeck (Të Gjelbrit) theksoi se për shkak të arritjes së planifikuar të qëllimit të neutralitetit klimatik në Gjermani, konsumi nga viti 2040 do të reduktohet ndjeshëm.

Siç shpjegohet nga Saad al Kaabi, gazi i lëngshëm nga Katari duhet që përmes koncernit energjetik amerikan ConocoPhillips, i cili është në pronësi të Qatar Energy, të dorëzohet në portin Brunsbuettel LNG, i cili është ende në ndërtim.

Dy milionë tonë gaz është rreth tre për qind e konsumit të përgjithshëm vjetor të gazit në Gjermani. Përveç Katarit, Gjermania ka negociuar furnizimin me gaz të lëngshëm edhe me kompani në Kanada dhe SHBA./tesheshi/

- Advertisement -spot_img

Më tepër

Të fundit