Të paktën 73 persona raportohet se kanë humbur jetën dhe 11 të tjerë janë plagosur si pasojë e shpërthimit të një cisterne të mbushur me lëndë djegëse në Mozambik.
Shpërthimi ka ndodhur në afërsi të kufirit Mozambik Malavi, në qytetin Tete. Cisterna ishte duke transportuar lëndë djegëse nga Beira në drejtim të Malavi-t.
Shpërthimi ka ndodhur pas përmbysjes së cisternës dhe shkak për të thuhet se kanë qenë qytetarët të cilët po përpiqeshin të merrnin lëndën djegëse.
Mozambik njihet si një nga vendet më të varfra në botë, pasi për shkak të thatësirave ka mungesa të mëdha të ushqimit.
