Sipas një studimi të kryer nga kompania amerikane “Pew”, Islami është feja që vazhdon të rritet më shpejt në botë, në 2060-n myslimanët do të barazohen me të krishterët.
Një hulumtim i kompanisë “Pew”, me seli në Shtetet e Bashkuara (ShBA), ka zbuluar se Islami është feja me rritjen më të shpejtë sot në botë.
Sipas studimit në fjalë deri në vitin 2060, numri i myslimanëve në botë do të arrijë numrin e të krishterëve.
Në vitin 2015, të krishterët përbënin 31 për qind e popullsisë së botës, kurse myslimanët përbënin 24 për qind.
Të dhënat tregojnë se deri në vitin 2060, numri i myslimanëve do të rritet në 3 miliardë dhe ata do të përbëjnë rreth 31 për qind të popullsisë botërore.
Sipas përllogaritjeve edhe numri i numri i të krishterëve do të rritet në 3 miliardë e 100 milionë, që korrespondon me 31,8% të popullsisë së botës.
Studimi parashikon që numri i njerëzve pa përkatësi fetare të ulet në 12%, nga 16 për qind që është për momentin.
Një rënie pritet të ndodhë edhe në numrin e hinduve dhe budistëve.
Pew parashikon që në vitin 2060 popullsia e botës të rritet deri në 9 miliard e 600 milion.
Studimi rritjen më të ngadalshme të popullsisë së krishterë e shpjegon me raportin e vdekjeve dhe lindjeve.
