Sipas nacionalistëve të Beogradit, presidenti i ri malazez ka një mision….
Historiani kontrovers serb dhe një nga ideologët e “botës serbe”, Aleksandar Rakoviç, i cili mbështeti Jakov Milatoviçin nga lëvizja “Evropa tani” në fushatën presidenciale, pret që presidenti i ri i Malit të Zi të punojë në afirmimin e identitetit serb gjatë mandat të tij pesëvjeçar.
“Tani duhet të shohim se si do ta trajtojë Milatoviçi çështjen serbe, historinë dhe identitetin e Malit të Zi, i cili ishte me karakter serb, dhe si do ta trajtojë afirmimin e identitetit serb nga qeveria e re që do të fitojë në qershor. Çdo relativizim i identitetit serb në Mal të Zi çon në mohimin e identitetit serb dhe Milatoviçi nuk duhet të bjerë në përpjekje për të relativizuar identitetin serb”, tha Rakoviq për TV Pink.
Ata, siç tha një nga ideologët e “botës serbe”, kishin një përvojë të hidhur me ish-kryeministrin Zdravko Krivokapiç, i cili, thekson ai, erdhi në pushtet “në valën e fitores së pastër serbe”.
“Sepse procesionet ishin një fitore e pastër serbe dhe një çështje par excellence serbe. Krivokapiçi menjëherë pas marrjes së pushtetit filloi me një politikë krejt tjetër edhe ndaj Kishës Ortodokse Serbe, duke mos dashur të nënshkruajë kontratën bazë. Ne kemi një përvojë të tillë, prandaj them se duhet të jemi të rezervuar që ta ndihmojmë Milatoviçin me këtë rezervë.
Kemi një përvojë të hidhur me Zdravko Krivokapiçin, me njohjen e Kosovës nga ana e tij, me votën për Srebrenicën dhe të gjitha ngjarjet e tjera që ishin drejtpërdrejt kundër interesave të Serbisë, Republikës Srpska dhe mbarë popullit serb.
Prandaj më duket se rezerva jonë duhet ta ndihmojë Milatoviçin të dëgjojë të tjerët, dhe jo vetëm ata që do të mblidhen shumë shpejt rreth tij dhe do të fillojnë t’i këndojnë lavde që mund ta çojnë në rrugë të gabuar. Është mirë që një njeri ka dikë në kabinetin e tij që do të jetë avokati i tij në kuptimin e vënies në dyshim të gjithçkaje që është narrativa e përgjithshme dhe e zakonshme sot në Mal të Zi”, tha Rakoviç. /tesheshi.com/
