Gazeta The Washington Post u përqendrua te dialogu që u zhvillua mes gazetarit të njohur amerikan të djathtë, Tucker Carlson, dhe ambasadorit amerikan në Izrael, Mike Huckabee, rreth natyrës së marrëdhënies mes Shteteve të Bashkuara dhe Izraelit.
Carlson argumentoi se Shtetet e Bashkuara nuk gëzojnë mjaftueshëm pavarësi në politikat e tyre ndaj Izraelit dhe se mbështetja amerikane për Izraelin është bërë më e afërt me një angazhim të pakushtëzuar, i cili kufizon pavarësinë e vendimmarrjes amerikane në disa çështje të politikës së jashtme.
Nga ana tjetër, Huckabee mbrojti forcën e aleancës, duke theksuar lidhjet fetare, kulturore dhe strategjike mes dy vendeve, dhe duke e konsideruar mbështetjen për Izraelin si në përputhje me interesat dhe vlerat amerikane, veçanërisht në qarqet e ungjillorëve konservatorë.
Raporti vuri në dukje se disa zyrtarë izraelitë kanë nisur të vërejnë një ndryshim në diskurs brenda disa sektorëve të së djathtës amerikane, përfshirë zëra konservatorë që historikisht kanë qenë mbështetës të fortë të Izraelit, gjë që ngre shqetësime për të ardhmen e mbështetjes popullore afatgjatë.
Mike Huckabee, ambasador i Shteteve të Bashkuara në Izrael, deklaroi se nuk do të kundërshtonte nëse Izraeli do të merrte në zotërim shumicën e tokave të Lindjes së Mesme, duke theksuar atë që e quajti të drejtë të popullit hebre mbi tokën!!!
Carlson i tha Huckabee-t se teksti biblik (i nënkuptuar) në Librin e Zanafillës u ka premtuar tokën pasardhësve të Ibrahimit, përfshirë zonën midis lumit Eufrat në Irak dhe lumit Nil në Egjipt; kjo zonë përfshin në kohët moderne Libanin, Sirinë, Jordaninë dhe pjesë të Arabia Saudite.
Huckabee u përgjigj: “Do të ishte mirë t’i merrnin të gjitha”!!!!
Burimi: Al Jazeera English
