Sipas fjalëve të shefit për zhvillim të Chrome, ky shfletues në versionin për Android së shpejti del nga beta. Kjo do të ndodhë për ca javë, tha për CNET Sundar Pichai.
Ekipi momentalisht po punon në sigurimin e qëndrueshmërisë së aplikacionit në punë, ndërsa ata janë të përqendruar në eliminimin e bug-ëve. Chrome për Android, përndryshe i paraqitur gjatë muajit shkurt, së voni fitoi mundësitë e avancuara të punës siç janë sinkronizimi i tabëve të hapur nga kompjuterët në të cilët përdoret Chrome, mundësia e shkarkimit të faqeve për shfletim offline, dhe mundësia e vendosjes së bookmarkëve në ekranin fillestar.
Edhe pse aplikacioni ka marrë kritika shumë të mira për sa i përket funksionalitetit dhe shpejtësisë së punës, një nga të metat më të mëdha është se për punë kërkon Android 4.0 Ice Cream Sandwich, derisa pjesa më e madhe e pajisjeve ende janë në Android 2.3 Gingerbread.
