Lëvizja për Bojkot (BDS)
Gazeta investigative irlandeze The Ditch ka zbuluar se 75 pako me çelik ushtarak, me origjinë nga India, ndodhen aktualisht në bordin e anijes Ever Golden dhe janë në rrugë për të furnizuar makinerinë ushtarake izraelite, në mes të gjenocidit të vazhdueshëm ndaj 2.3 milionë palestinezëve në Rripin e Gazës, që ndodhet nën pushtim dhe rrethim.
Ngarkesa pritet të mbërrijë së shpejti në portin Pireu në Greqi, ku do të bëhet rishpërndarja e çelikut në anijen “Fulk al-Dammam”, e cila lundron nën flamurin saudit dhe i përket kompanisë Fulk Marine, në pronësi të Fondit të Investimeve Publike të Arabisë Saudite. Më pas, kjo anije do ta transportojë ngarkesën në portin e Haifës, që ndodhet nën pushtim izraelit.
Kompania Fulk Marine e bleu këtë anije në mes të muajit maj 2025, dhe duket se operacioni i rishpërndarjes ishte planifikuar paraprakisht, madje edhe para transferimit të pronësisë së anijes.
