30.8 C
Pristina
E martë, 3 Gusht, 2021

Abazoviç paralajmëroi vizitë në Srebrenicë, Dodik: Nuk jeni të mirëpritur

Më të lexuarat

Kryetari i Presidencës së Bosnje-Hercegovinës, Milorad Dodik ka theksuar se asnjë nga deputetët e parlamentit të Malit të Zi që votuan për Rezolutën mbi Srebrenicën, nuk është i mirëpritur në Republika Serbe.

“Nuk janë të mirëpritur në Republika Serbe sepse vendimi i tyre përfaqëson një goditje të drejtpërdrejtë për RS-në dhe popullin serb”, ka thënë Dodik.

Kjo deklaratë vjen pasi që zëvendëskryeministri i Malit të Zi, Dritan Abazoviç paralajmëroi një vizitë në shtetin boshnjak.

“Me këtë akt të miratimit të rezolutës së përmendur, Kuvendi i Malit të Zi është kthyer në një teatër politik anti-serb”, tha Dodik.

Ndër të tjera Dodik përsëri e mohoi gjenocidin, duke thënë se ishte një “ngjarje tragjike”.

“Ç’lidhje ka Mali i Zi me ngjarjet tragjike në BH dhe cili është motivi për kalimin e një akti të tillë, i cili u miratua pamatur dhe pa argumente, pavarësisht nëse është pozicioni i tyre personal ose përmbushja e interesave të anti-serbit drejtorët e huaj”, është shprehur ai./abcnews.al

- Advertisement -spot_img

Më tepër

Të fundit