17.9 C
Pristina
Tuesday, June 25, 2024

A t’i dëgjojmë prindërit nëse ata thonë të mos kemi fëmijë?

Më të lexuarat

Pyetja:

A t’i dëgjojmë prindërit nëse ata thonë të mos kemi fëmijë?

***

Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit!

Së pari:

Mësimet e Islamit i nxisin muslimanët që të kenë shumë fëmijë dhe i inkurajojnë ata që ta bëjnë këtë, sepse të kesh shumë fëmijë është një burim krenarie dhe fuqie për umetin dhe është diçka nga e cila Profeti ﷺ do të ndihet krenar në Ditën e Kiametit. Transmetohet se Malik ibn Jasar (Allahu qoftë i kënaqur me të) ka thënë: Pejgamberi ﷺ ka thënë: “Martohuni me gra të dashura dhe pjellore, sepse unë do të krenohem me numrin tuaj të madh para popujve (në Ditën e Kiametit).” [1]

Shejh Ibn Uthejmin ka thënë:

Ajo që duhet të bëjnë muslimanët është të kenë sa më shumë fëmijë që të munden, sepse kështu i këshilloi Profeti ﷺ do të mburremi me numrin tuaj të madh.” Për më tepër, të kesh shumë fëmijë do ta shtojë numrin e umetit dhe numri i madh i umetit është krenari për ta, siç ka thënë Allahu i Lartësuar, duke i kujtuar bijtë e Izraelit për këtë në Kuranin Famëlartë:

Dhe Ne ju përforcuam me pasuri dhe djem dhe ju shtuam më së shumti. (Isra‘: 6)

Dhe Shuajbi i tha popullit të tij:

Dhe kujtoni kur ishit pak dhe Ai ju shtoi.” (Araf: 86)

Askush nuk mund ta mohojë se numri i madh i umetit është burim krenarie dhe fuqie për të, për dallim nga ato që mendojnë negativisht, të cilët mendojnë se numri i madh i umetit është shkak i varfërisë dhe urisë së tij. [2]

Së dyti:

Fëmija nuk duhet t’u bindet prindërve të tij për të mos pasur fëmijë, për dy arsye:

  • Arsyeja e parë është se është një urdhër që është në kundërshtim me urdhrin e Pejgamberit ﷺ.
  • Arsyeja e dytë është se të kesh fëmijë është një e drejtë që e ndajnë të dy bashkëshortët dhe askush tjetër nuk ka të drejtë të ndërhyjë në këtë.

Megjithatë, gruaja duhet të tregojë mirësi ndaj nënës së saj dhe t’i flasë me butësi.

Allahu e di më së miri.

islamqa.com

———————————

[1] Ebu Davudi (2050)

[2] Fetaua Islamijeh (3/190)

Burimi

- Advertisement -spot_img

Më tepër

Të fundit