Ligjvënësit rusë kanë akuzuar Shtetet e Bashkuara për standarde të dyfishta mbi të drejtat e njeriut, duke kritikuar dështimin e Uashingtonit për të mbyllur burgun e Guantanamos dhe për një sërë plagësh që rëndojnë shoqërinë amerikane, thonë ata.
Dhoma e ulët e parlamentit, apo Duma, të hënën dëgjoi raportin e Ministrisë së Jashtme ruse që thotë se racizmi, pabarazia sociale, brutaliteti në burgje, parregullsitë zgjedhore dhe të tjera shkelje të të drejtave të njeriut janë të shumta në Shtetet e Bashkuara.
Ligjvënësit rusë akuzuan gjithashtu qeverinë amerikane se ka arrestuar dhe nxjerrë në gjyq shtetas rusë. Ata thanë se Shtetet e Bashkuara nuk kanë të drejtë të veprojnë si arbitër ndërkombëtar për të drejtat e njeriut.
Ligjvënësit rusë rekomanduan krijimin e një organi të pavarur të të drejtave të njeriut për të siguruar se praktikat amerikane janë përputhje me standardet ndërkombëtare.
Në vitet e fundit, Moska është kritikuar gjerësisht për goditje ndaj opozitës dhe miratimin e ligjeve që kufizojnë më tej liritë në Rusi./voa
