Silluni mirë me gratë!
Pyetje: Cili është qëllimi me fjalët e profetit ﷺ:
”Silluni mirë me gratë!”
Përgjigje: Është për qëllim kujdesi ndaj gruas, pra që mos t’i bëhet padrejtësi, e as të neglizhohet gjithashtu. Të mos i bëhet padrejtësi në të drejtat e saj, të mos shtypet, e as të mos neglizhohet e të lihet pas dore, por të kihet përkujdesje e plotë ndaj saj sepse ajo është fitne (sprovë për burrat).
Profeti ﷺ ka thënë:
”Nuk kam lënë pas vetes sprovë më të dëmshme për burrat se sa gratë.”
Dhe ai ﷺ tha:
”Kijini frikë gratë, se vërtetë sprova më e madhe e beni israilëve ishin gratë.”
Ndaj gruas duhet sjellur mirë nga aspekti që të mos i bëhet padrejtësi në të drejtat e saj të cilat ia ka ligjësuar Allahu. Gjithashtu ajo nuk duhet të lihet pas dore dhe të braktiset në mënyrë që (të papërgjegjshme) të bën ashtu siç dëshiron, të mos i interesojë për turpin dhe dëlirësin, dhe që të mos kujdeset për shtëpinë, fëmijët dhe burrin e saj, është e domosdoshme të të ekuilibrohet në këtë çështje.
Imam Salih bin Feuzan el-Feuzan
Përktheu: Valdet Gashi
