Marck Zuckerberg, themeluesi i rrjetit më të madh social, ka shprehur përkrahjen e tij për myslimanët, të cilët, sipas tij, janë duke u frikësuar për persekutimin e mundshëm për veprimet e të tjerëve.
Në mesin e një islamofobie globale, mund të imagjinoj frikën që kanë myslimanët se ata do të persekutohen për veprimet e të tjerëve”, ka shkruar ai në rrjetin social.
“Si hebre, prindërit më kanë mësuar të qëndroj kundër sulmeve ndaj të gjitha komuniteteve. Edhe nëse një sulm nuk bëhet kundër jush, në kohën e sulmeve në liri secili do të ketë dhembje. Nëse jeni mysliman në këtë komunitet, si lider i Facebook-ut, dua që të dini se jeni përherë të mirëpritur këtu dhe se do të luftojmë për të mbrojtur të drejtat tuaja dhe për të krijuar një ambient paqësor e të sigurt për ju”, ka shtuar ai.
“Sa më shumë që të qëndrojmë së bashku dhe të shohim të mirat e njëri-tjetrit, mund të krijojmë një botë më të mirë për të gjithë”, thuhet më tej në postimin e themeluesit të Facebook.
