-5.9 C
Pristina
Tuesday, February 7, 2023

Vuçiç “tradhëton” Rusinë: Faleminderit për Kosovën, por….

Më të lexuarat

Deklarimet “properëndimore” të presidentit serb për Bloomberg

Presidenti i Serbisë, Aleksandar Vuçiç, tha se i është mirënjohës Moskës për mbështetjen e saj në lidhje me Kosovën, por se nuk e mbështet pushtimin e Rusisë në Ukrainë.

Vuçiç, për të cilin Bloomberg thotë se ka pasur dhjetëra takime me presidentin rus Vladimir Putin në vitet e mëparshme dhe ka marrë mësime të gjuhës ruse në mënyrë që të mund të fliste me të në rusisht, tha se nuk kishte folur me liderin rus për “shumë muaj”, sipas mediave amerikane.

“Ne thamë që në fillim se nuk jemi në gjendje dhe nuk mund të mbështesim pushtimin e Ukrainës nga Rusia. Për ne, Krimea është Ukraina, dhe Donbasi është Ukraina, dhe kështu do të mbetet”, tha Vuçiç për Bloomberg në Beograd të martën, para se të nisej për në Davos.

“Jo” sanksioneve ekonomike kundër Rusisë

Bloomberg thekson se Serbia ka vite që është duke u larguar ekonomikisht nga “orbita ruse” dhe se Rusia ka një pjesë prej rreth gjashtë për qind në tregtinë e jashtme të Serbisë, ndërsa Bashkimi Evropian është deri tani partneri më i madh.

Megjithatë, Serbia ende spikat në Evropë me qëndrimin e saj ndaj Rusisë, sipas Bloomberg, dhe kujton se Air Serbia nuk ka anuluar fluturimet direkte për në Rusi dhe se shumë rusë kanë ardhur në Beograd që nga fillimi i pushtimit.

Vuçiç tha se i është mirënjohës Rusisë për mbështetjen e saj në lidhje me Kosovën dhe se Serbia për këtë arsye nuk mund të mbështesë sanksionet ekonomike kundër Moskës.

“Ne kemi qenë nën sanksione për gati dhjetë vjet, në fakt tetë vjet, dhe nuk besojmë se kjo është zgjidhja”, tha Vuçiç.

Sa i përket zgjidhjes së çështjes së Kosovës, ai tha se është shumë më realiste të ecim përpara me hapa të vegjël, sesa të presim ndonjë marrëveshje të madhe dhe të shpejtë, e cila do të përfshinte edhe njohjen e Kosovës nga Serbia.

“Bashkimi Evropian, rruga jonë e vetme”

“Duhet të ndryshojmë situatën në terren me hapa të vegjël, të ndërtojmë besimin mes dy palëve dhe më pas të shohim se si mund t’i qasemi çdo gjëje tjetër. Ne nuk duhet të ëndërrojmë për diçka që të gjithë e dimë se nuk do të ndodhë”, tha Vuçiç.

Lidhur me hyrjen e Serbisë në BE, ai shprehu bindjen se qytetarët e Serbisë, edhe nëse kjo zgjedhje u vihet në referendum, do të votojnë për anëtarësim në Union.

Ai shtoi se, që kjo të ndodhë, do të nevojiten garanci se anëtarësimi në BE është realist.

 “E di që BE-ja është rruga jonë. Nuk ka rrugë tjetër”, tha presidenti i Serbisë. /tesheshi.com/

- Advertisement -spot_img

Më tepër

Të fundit