12.5 C
Pristina
Thursday, February 29, 2024

Turqia dhe Katari nënshkruan 12 marrëveshje bashkëpunimi

Më të lexuarat

 

Pas një takimi kokë më kokë në ‘Lusail Palace’, presidenti turk, Recep Tayyip Erdoğan dhe emiri i Katarit, Tamim bin Hamad Al Thani, kryesuan takimin e Komitetit të Lartë Strategjik Türkiye-Katar, pas çka në prani të dy liderëve u zhvillua ceremonia e nënshkrimit të marrëveshjeve mes dy vendeve.

Deklarata e përbashkët në mbledhjen e komitetit u nënshkrua nga ministri turk i Punëve të Jashtme, Hakan Fidan dhe homologu i tij nga Katari, Mohammed bin Abdurrahman Al Thani.

Një memorandum mirëkuptimi për konsultime politike për çështje me interes të ndërsjellë ndërmjet ministrive të jashtme të dy vendeve po ashtu u nënshkrua nga dy shefat e diplomacisë.

Ata gjithashtu nënshkruan një pakt për zbatimin e një memorandumi mirëkuptimi për bashkëpunim kulturor ndërmjet ministrive të kulturëss të dy vendeve.

Një pakt për bashkëpunim dypalësh për ndihmë humanitare dhe çështje bamirësie u nënshkrua nga Fidan dhe Mariam bint Ali bin Nasser Al Misnad, ministre e Katarit për Zhvillimin Social dhe Familjen.

Fidan dhe Ali bin Fetais Al Mari, rektori i Universitetit Lusail, nënshkruan një protokoll bashkëpunimi midis universitetit dhe Ministrisë Kombëtare të Arsimit të Türkiyes për ngritjen e qendrave të mësimit të gjuhës turke.

Një marrëveshje kornizë ushtarake dypalëshe u nënshkrua nga ministri turk i Mbrojtjes, Yaşar Güler dhe ministri i Mbrojtjes i Katarit, Halid bin Mohammad Al Atiyyah.

Paktet për bashkëpunim në shkencë, industri dhe teknologji u nënshkruan nga ministri turk i Industrisë dhe Teknologjisë, Mehmet Fatih Kacır dhe ministri i Komunikimit dhe Teknologjisë së Informacionit i Katarit, Mohammed bin Ali Al Mannai.

Një pakt tjetër për bashkëpunim ndërmjet ministrive të thesarit dhe financave të vendit u nënshkruan nga ministri turk i Financave, Mehmet Şimşek dhe ministri i Financave i Katarit, Ali bin Ahmad Al Kuwari.

Pakti për bashkëpunim në promovimin e investimeve u nënshkrua nga kreu i Zyrës së Investimeve Presidenciale Turke, Burak Dağlıoğlu dhe kreu i Dhomës së Tregtisë dhe Industrisë së Katarit, Khalifa bin Jassim Al Thani.

Së fundmi, kreu i Asamblesë së Eksportuesve të Türkiyes, Mustafa Gültepe dhe Khalifa bin Jassim Al Thani nënshkruan një memorandum mirëkuptimi për bashkëpunimin në eksport.

/aa/

- Advertisement -spot_img

Më tepër

Të fundit