Presidenti i ShBA-së, Donald Trump, ka kritikuar homologun e tij ukrainas, Volodymyr Zelenskyy, duke e quajtur atë një “diktator pa zgjedhje”.
“Një diktator pa zgjedhje, Zelenskyy më mirë të lëvizë shpejt ose nuk do t’i mbetet asnjë vend. Ndërkohë, ne po e negociojmë me sukses përfundimin e luftës me Rusinë, diçka që të gjithë e pranojnë se vetëm Trumpi dhe administrata e Trumpit mund ta bëjnë”, shkroi Trump në platformën ‘Truth Social’.
Sipas tij, ish-presidenti amerikan, Joe Biden, “nuk u përpoq kurrë, Evropa dështoi ta sjellë paqen dhe Zelenskyy ndoshta dëshiron të vazhdojë treni me lëng mishi”.
“Unë e dua Ukrainën, por Zelenskyy ka bërë një punë të tmerrshme, vendi i tij është shpartalluar dhe miliona kanë vdekur në mënyrë të panevojshme. Dhe, kështu vazhdon”, shtoi Trump.
/trt BALLKAN/
