Misioni hapësinor: Kapsula që bën bashkë rusët me amerikanët
Anija kozmike Soyuz MS-27 u kthye në Tokë nga Stacioni Ndërkombëtar Hapësinor të martën pranë qytetit Zhezkazgan në Kazakistan, njoftoi korporata hapësinore ruse (Roscosmos).
Dy kozmonautë rusë Sergey Ryzhikov dhe Alexei Zubricki, dhe astronauti i NASA-s Jonathan Kim u evakuuan nga kapsula Soyuz herët në mëngjes të martën, më 9 dhjetor.
“Anija kozmike u nda nga moduli Prichal këtë mëngjes. Dalja e saj nga orbita dhe zbritja në Tokë vazhdoi rregullisht,” tha deklarata.
Gjatë misionit, kozmonautët rusë kryen 42 eksperimente shkencore, raportuan mediat lokale.
Anija kozmike Soyuz MS-27 u nis dhe u ankorua me stacionin hapësinor më 8 prill.
Të tre anëtarët e ekuipazhit udhëtuan gati 104 milionë milje gjatë misionit të tyre 245-ditor, njoftoi NASA të martën.
Kim dhe Zubricky ishin udhëtarët e parë në stacionin hapësinor, ndërsa Ryzhikov kaloi 603 ditë në hapësirë gjatë tre udhëtimeve në kompleksin orbital, gjë që e rendit atë të 13-tin në të gjitha kohërat.
“Të tre anëtarët e ekuipazhit do të fluturojnë me helikopter për në Karaganda, ku janë të stacionuara ekipet e shpëtimit. Kim do të hipë në një avion të NASA-s dhe do të kthehet në Hjuston, ndërsa Ryzhikov dhe Zubricky do të udhëtojnë për në bazën e tyre të stërvitjes në Zvezdograd, Rusi”, tha NASA në një deklaratë.
