Prishtinë, më 22 dhjetor 2022
Shoqata Humanitare “Bereqeti” ka shpërndarë sot më shumë se 1500 pako ushqimore për familjet nevojtare. 30 koordinatorë nga e gjithë Kosova, shpërndanë këto pako ushqimore në të gjithë vendin.
Drejtori i “Bereqetit” tha se synohet të jenë pranë këtyre familjeve në këtë stinë të dimrit, që sado pak t’ua lehtësoje jetën.
Nga kjo shoqatë bamirëse paralajmërohet se aksione të tilla bamirëse do të vazhdojnë edhe në ditët në vijim.
“Shoqata ‘Bereqeti’, po bënë shpërndarjen e 1 mijë e 500 pakove në tridhjetë komuna, këtu janë prezentë të gjithë koordinatorët të cilët do të shpërndajnë këto pak te familjet nevojtare. Për stinën e dimrit çdo ndihmë që bëhet është e mirëseardhur për shkak se zvogëlon vështirësitë për këto familje, andaj edhe këto ndihma sado simbolike që janë, ato janë të mirëseardhura”, tha drejtori Behxhet Ajvazi.
“Bereqeti” përgjatë gjithë kohës në veçanti gjatë kësaj të dimrit ka qenë pranë këtyre familjeve, me pako ushqimore, stufa dhe dru për ngrohje. Veç tjerash ka rinovuar dhe ndërtuar shtëpi për familjet nevojtare.
The post Shoqata “Bereqeti” shpërndau 1500 pako ushqimore appeared first on Bashkësia Islame e Kosovës.
