Jemeni ka lëshuar një raketë drejt Izraelit. Sipas radios ushtarake, duke cituar një burim ushtarak, sistemet amerikane THAAD dhe ato izraelite Hetz (Arrow) tentuan ta ndalonin raketën, por dështuan.
Kanal 13 raporton, duke iu referuar burimeve të tij, se disa kompani ajrore të huaja kanë kërkuar sqarime nga autoritetet izraelite pas rënies së raketës në aeroportin Ben Gurion.
Yedioth Ahronoth citon burime nga shërbimi i ambulancës izraelite, duke thënë se numri i të plagosurve pas goditjes është rritur në shtatë persona.
Kanali 12 izraelit raporton:
- Koka shpërthyese e raketës ishte jashtëzakonisht e fuqishme dhe shkaktoi një valë të madhe shpërthimi.
- Raketa kaloi katër shtresa të mbrojtjes ajrore dhe ra në zemër të aeroportit Ben Gurion.
- Ka shqetësime në rritje se kompanitë ajrore ndërkombëtare mund të pezullojnë fluturimet për shkak të goditjes së aeroportit.
- Sistemet mbrojtëse THAAD dhe Hetz nuk arritën ta ndalnin raketën.
Kanali 12, duke cituar burime të tjera, shton:
- Kompanitë ajrore zvicerane dhe australiane kanë njoftuar anulimin e fluturimeve drejt Izraelit.
- Zvicra dhe Austria kanë pezulluar fluturimet drejt Izraelit në orët e ardhshme.
- Kompania gjermane Lufthansa ka pezulluar gjithashtu fluturimet e saj drejt Tel Avivit që nga sot.
