Nata e parë e Ramazanit ka një rëndësi të veçantë!
🔹 I Dërguari i Allahut ﷺ ka thënë:
“Kur vjen nata e parë e muajit Ramazan, shejtanët dhe xhindët kryeneç lidhen me zinxhirë, mbyllen dyert e Zjarrit dhe nuk hapet asnjë prej tyre, hapen dyert e Xhenetit dhe nuk mbyllet asnjë prej tyre. Dhe çdo natë thërret një thirrës:
‘O kërkues i së mirës, afrohu!
O kërkues i së keqes, ndalu!’
Dhe Allahu ka njerëz që i çliron nga Zjarri – dhe kjo ndodh çdo natë.”
Prandaj, priteni mirë natën e parë…
Hadithi i mësipërm na tregon se që nga nata e parë ka adhurime që na obligohen. Na njofton për gjëra që nuk i perceptojmë me shqisa, por që duhet t’i besojmë me besim në të padukshmen.
Gjithçka në qiell ndryshohet!
Gjithçka në univers ndryshohet!
Mbyllen të gjitha dyert e Zjarrit,
dhe hapen të gjitha dyert e Xhenetit!
Dhe thërret thirrësi:
“O kërkues i së mirës, afrohu!
O kërkues i së keqes, largohu!”
A iu përgjigje thirrjes?
A e ndjeve që nga nata e parë se dikush po të thërret?
Kjo është pjesë e besimit në të padukshmen. Betohem në Allahun se ti e dëgjove me zemrën tënde.
Sikur të të thuhej:
E gjithë bota jote është ndryshuar për ty,
prandaj edhe ti duhet t’i ndryshosh gjendjet e tua!
I Dërguari i Allahut ﷺ ka thënë:
“Kush e agjëron Ramazanin me besim dhe duke shpresuar shpërblimin, i falen mëkatet e mëparshme.”
“Kush e fal namazin e natës në Ramazan me besim dhe duke shpresuar shpërblimin, i falen mëkatet e mëparshme.”
Namazi i natës në Ramazan fillon nga kjo natë, prandaj mos e humb!
◆ O Allah, na liro nga Zjarri!
O Allah, na liro nga Zjarri!
O Allah, na ndihmo të të përmendim, të të falënderojmë dhe të të adhurojmë ashtu siç duhet.
