14.1 C
Pristina
Tuesday, May 28, 2024

Mediat perëndimore nën kritika: si injoruan vdekjen e fëmijëve palestinezë

Më të lexuarat

Raportimi amoral në rastin e fundit të një sulmi izraelit në Gaza

Mbulimi i mediave perëndimore për vrasjen e 15 personave, përfshirë katër fëmijë, në një sulm izraelit në Gaza që dyshohet se kishte në shënjestër tre anëtarë të lëvizjes së Xhihadit Palestinez (PIJ) është dënuar ashpër në mediat sociale.

Sulmi bëri bujë në mbarë botën të martën, por toni mediatik ndryshonte shumë, duke ndezur debat në mediat sociale mbi mënyrën se si e raportuan atë.

Përdoruesit e mediave sociale vunë në dukje titujt që lanë anash fëmijët e vrarë dhe u fokusuan në tre anëtarët e vdekur të PIJ-së, të identifikuar si Jihad al-Ghannam, Khalil al-Bahtini dhe Tariq Izz el-Deen.

Forcat izraelite shënjestruan apartamente banimi në pjesë të ndryshme të Gazës, duke vrarë shumë civilë që ishin anëtarë të familjes ose fqinjë të komandantëve të PIJ-së, sipas reporterit të Al Jazeera-s, Youmna El Sayed nga Gaza.

New York Times u kritikua veçanërisht për të nënkuptuar se “të dyja palët” kishin arsye të barabarta për t’u frikësuar nga përshkallëzimi pas sulmit, kur çekuilibri i fuqisë midis palestinezëve në Gaza dhe forcave të sigurisë të armatosura mirë të Izraelit është kaq i madh.

Një përdorues tha se rrëfimi i “të dyja palëve” injoron një “Palestinë të pafajshme me të vdekur përsëri”.

Kompania mediatike me qendër në Mbretërinë e Bashkuar, Mzemo, kritikoi dështimin e gazetës për të vënë në krye të lajmeve vrasjen e civilëve.

Organizata joqeveritare kanadeze “Kanadezët për Drejtësi dhe Paqe në Lindjen e Mesme” njoftoi se përshkrimet e mediave kanadeze të civilëve të vrarë si “10 të tjerë” nuk janë të pranueshme, duke cituar titujt kryesorë në organet e lajmeve si The Globe and Mail dhe Toronto Star.

Një përdorues tjetër vuri në dukje titullin e gazetës londineze The Guardian, duke theksuar sërish se nuk flitej për fëmijët e vrarë.

Titulli i BBC-së u kritikua gjithashtu nga një përdorues tjetër si “mashtrues”. /tesheshi.com/

- Advertisement -spot_img

Më tepër

Të fundit