13.3 C
Pristina
Sunday, February 25, 2024

Izraeli, kriminalizim mohimit të “7 tetorit”

Më të lexuarat

Një projektligj në Knesset për t’u mbyllur gojën kritikëve

Asambleja e Përgjithshme e Knesset-it izraelit ka miratuar me shumicë dërrmuese një projektligj që penalizon dhe ndjek penalisht këdo që mohon të ashtuquajturën “masakër të 7 tetorit”.

Projektligji – i prezantuar nga anëtari i Knesset-it, Oded Forer i partisë Yisrael Beytenu – parashikon një dënim me pesë vjet burg për këdo që publikon një postim ose deklaratë që mohon të ashtuquajturën “masakër të 7 tetorit”, qoftë me shkrim, me gojë, apo duke lavdëruar, ose të shprehë mbështetjen e tij për të, pasi projektligji është planifikuar që së shpejti t’i përcillet Komisionit të Ligjeve dhe Kushtetutës për t’u përgatitur për votimin e tij në lexim të parë në Knesset.

Një javë më parë, një komision parlamentar në Knesset-i izraelit votoi për shkarkimin e një anëtari të Frontit Demokratik për Paqe dhe Barazi, Ofer Cassif, për 45 ditë dhe ia ndaloi pagën e tij për dy javë, për mbështetjen e pretendimit të Afrikës së Jugut kundër Izraelit në Hagë.

 Sanksionet për mbështetjen e padive të Afrikës së Jugut

Cassif njoftoi më 8 janar se ai i ishte bashkuar padisë së Afrikës së Jugut kundër Izraelit në Gjykatën Ndërkombëtare të Drejtësisë në Hagë, duke akuzuar qeverinë e Benjamin Netanyahut për thirrje për “spastrim etnik” dhe gjenocid në luftën në Rripin e Gazës.

Më 7 tetor 2023, Hamasi palestinez nisi operacionin “Përmbytja Al-Aksa” nga Rripi i Gazës kundër Izraelit, i cili përfshinte një sulm tokësor, detar dhe ajror dhe infiltrimin në disa vendbanime rreth Rripit të Gazës.

Operacioni u njoftua nga Muhammad al-Deif, shefi i shtabit të Brigadave Izz al-Din al-Qassam, krahu ushtarak i Hamasit, dhe konsiderohet si sulmi më i madh ndaj Izraelit në dekada. /tesheshi.com/

- Advertisement -spot_img

Më tepër

Të fundit