ITALIA DREJT SISTEMIT GJYSMËPRESIDENCIAL

0
36

Në Itali u hodh hapi i parë drejt sistemit gjysmëpresidencial.

Me anë të një votimi në Senatin e Republikës, që është edhe dhoma e lartë e Parlamentit të Italisë, u bë ndryshim në ligjin për cilësinë e shtetit.

Sipas kësaj, presidenti i vendit do të zgjidhet me votën e popullit për një mandat 5-vjeçar.

Ky ndryshim ligjor solli me vete komentin se amendamenti në fjalë do të jetë në favor të ish-kryeministrit Silvio Berluskoni, i cili disa ditë më parë ndezi sinjalin e gjelbër për një rikthim aktiv në skenën e politikës italiane.

Që propozimi për ndryshim të ligjësohet, duhet më parë të miratohet edhe në Dhomën e Përfaqësuesve të Parlamentit të Italisë, e cila formohet nga 630 deputetë.