Mbi 80 mijë libra nga më shumë se 80 shtëpi botuese do të ekspozohen në Panairin e 29-të ndërkombëtar të librit, në një hapësirë prej 4000 metër katror, sonte në mbrëmje, përcjell Telegrafi Maqedoni.
Panairi do të jetë i hapur për vizitorët, nga sot e deri më 10 prill, nga ora 10:00 e deri në ora 20:00. Organizator të tij janë Asociacioni Maqedonas i Botuesve, Shoqata e Botuesve të Maqedonisë, si edhe Shoqata e Botuesve Shqiptarë nga Maqedonia.
Në panair, përveç botuesve të vendit, botimet e tyre do t’i prezantojnë edhe botues nga Serbia, Mali i Zi, Shqipëria, kurse Suedia do të prezantohet përmes ambasadës së saj në Shkup.
