Dhoma e Përfaqësuesve ka votuar në favor të një projektligji që urdhëron Departamentin e Drejtësisë të SHBA-së të publikojë të gjitha dosjet të Jeffrey Epstein.
Bëhet fjalë për mijëra faqe dokumente në lidhje me ish-financierin e dënuar për trafikim dhe abuzim seksual, i cili ndërroi jetë në burg në vitin 2019.
Ky projektligj pati 427 vota pro, me një përfaqësues që votoi kundër.
Të mbijetuarat e abuzimeve të Jeffrey Epstein u mblodhën në një përkujtim me qirinj në Washington, duke nderuar viktimat e krimeve të tij pas miratimit të një projektligji të ri që synon mbështetjen dhe mbrojtjen e të mbijetuarve.
Annie Farmer, një nga viktimat e Epstein, foli nga podiumi duke theksuar rëndësinë e drejtësisë dhe mbështetjes për të gjitha gratë dhe vajzat që kanë vuajtur nga abuzimet e tij. Ajo u shpreh se miratimi i projektligjit është një hap i rëndësishëm drejt llogaridhënies.
Të mbledhura me qirinj në duar, pjesëmarrëset nderuan kujtimin e atyre që u prekën nga rrjeti kriminal i Epstein, ndërsa kërkuan përkushtim të vazhdueshëm për të parandaluar krimet seksuale dhe për të mbrojtur të cenueshmit. /mesazhi
