Drejtori Rajonal i Organizatës Botërore të Shëndetësisë (OBSH) për Evropën, Hans Kluge, tha nga Sllovenia të mërkurën, se vaksinimi është i nevojshëm për të parandaluar një vale tjetër në vjeshtë, referuar variantit Delta.
“Pas 11 javësh rënie të infeksioneve në Evropë, ne kemi përsëri rritjen e tyre për shkak të variantit Delta të virusit, i cili do të bëhet dominues në fund të gushtit.
Por, ndryshe nga viti i kaluar, ne kemi vaksina efektive dhe një mundësi për të shmangur një përkeqësim të situatës përsëri,” tha ai pasi vizitoi qendrën e vaksinimit në Lubjanë kundër COVID-19, shoqëruar nga presidenti Borut Pahor dhe ministri i Shëndetësisë Janez Poklukar. /tesheshi.com/
