Yll Rugova është zgjedhur drejtor i Kulturës në Prishtinë.
Njihet si aktivist politik. Me profesion ai është dizajner dhe tipograf.
Ndryshe në opinionin publik Rugova njihet edhe si një nga themeluesit e “Partisë së Fortë” dhe iniciator i disa aktiviteteve politike, përfshirë këtu edhe protesta. Ai ka edhe pikëpamje ateiste.
Shpeshherë është kritikuar edhe për qasjen e tij ndaj tematikave fetare. Madje është njëri ndër iniciatorët e peticionit kundër Xhamisë së Madhe që pritet të ndërtohet tek Posta e Kosovës.
Ai ligjëron dizajn grafik në një nga Universitet që funksionojnë në Kosovë dhe është bashkëthemelues i një kompanie që quhet “Trembelat”. Rikujtojmë se Drejtoria e Kulturës, Rinisë e Sportit në Prishtinë vitet e fundit u udhëhoq nga Besart Vllahinja, nga radhët e AKR-së.
