Ministri i Jashtëm kanadez John Baird njoftoi sot mbi tërheqjen e diplomatëve kanadezë nga Izraeli, Rripi i Gazës si dhe nga misionet e OKB-së në Nju Jork dhe Gjenevë për konsultime rreth çështjes së rritjes së statusit të Palestinës si shtet-vëzhgues.
John Baird e quajti vendimin e Asamblesë së Përgjithshme të OKB-së “pengesë në rrugën drejt paqes”.
“Qëndrimi i qeverisë sonë është i qartë: vetëm negociatat mund të çojnë në arritjen e një paqeje të drejtë e afatgjatë dhe jo vendimet e njëanshme”, – deklaroi ai.
Të enjten Kanadaja së bashku me SHBA-të, Izraelin dhe 6 vende të tjera votuan kundër rritjes së statusit të Palestinës në seancën e Asamblesë së Përgjithshme të OKB-së.
