“Bosnja dhe Hercegovina dhe populli i saj për Turqinë janë të rëndësisë së veçantë dhe zënë vend të rëndësishëm. Kështu do të mbetët edhe në të ardhmen”, ka thënë kryeministri turk, Recep Tayyip Erdogan.
Erdogan të premten është takuar me anëtarët e Presidencës së Bosnjës. Pa marrë parasysh se a bëhet fjalë për marrëdhënie ushtarake, politike, ekonomike, historike, kulturore, ato do të vazhdojnë të shkojnë në të njëjtin drejtim, ka thënë Erdogan gjatë konferencës për media, raporton OraInfo.
“Kemi përsëritur gatishmërinë për të ndihmuar dhe mbështetur kur bëhet fjalë për integrimet euroatlantike të Bosnjës dhe Hercegovinës dhe veçanërisht kemi theksuar mbështetjen rreth integrimit të Bosnjës në NATO”, ka thënë Erdogan.
