O biri im, nga lutjet më të mira që mund të bëjë njeriu janë ato që janë transmetuar nga i Dërguari i Allahut ﷺ, ose ato që janë në përputhje me udhëzimin dhe sunetin e tij.
Unë kam qenë dhe vazhdoj të jem kështu: sa herë që rrugët e jetës më ngushtohen, kur mundësitë duken sikur mbyllen dhe brengat më rëndojnë mbi shpirt, derisa ato bëhen si male, madje edhe më të rënda në pikëllim dhe shqetësim… atëherë e lus Allahun me këtë lutje.
Dhe, me lejen dhe bujarinë e Allahut, kam gjetur ndikim dhe lehtësim të madh në të.
Lutja:
لا إله إلا أنت سبحانك إني كنت من الظالمين
O Allah, mëshirën Tënde e shpresoj, prandaj mos më lër të mbështetem tek vetja ime qoftë edhe për një çast. Rregulloje për mua të gjithë çështjen time.
لا إله إلا أنت سبحانك إني كنت من الظالمين
O Zot i madhërisë dhe nderit, të kërkoj kënaqësinë Tënde dhe Xhenetin, dhe kërkoj mbrojtje prej zemërimit Tënd dhe zjarrit të Xhehenemit.
O Allah, o Bujar, më ndero.
O i Pasur, më bëj të pasur.
O Dhurues, më dhuro.
O Ai që jep, më jep.
O Furnizues, më furnizo.
O Allah, unë jam më i varfri nga krijesat e Tua ndaj Teje dhe më i nevojshmi për ndihmën Tënde, prandaj bëhu për mua ndihmës në këtë çështje.
O Allah, largoje brengën time, o Ti që largon brengat.
O Allah, plotësoje nevojën time, o Ti që plotëson nevojat.
Pastaj vazhdoj t’i lutem Allahut me emrat e Tij më të bukur dhe cilësitë e Tij më të larta, derisa lotët e frikës dhe përulësisë fillojnë të rrjedhin, dhe përulem para Krijuesit tim duke e lavdëruar Atë me çdo lloj falënderimi.
Nuk kalon shumë kohë dhe, me lejen e Allahut, retë e brengës largohen nga shpirti im, dhe errësira e pikëllimit zhduket nga mendja ime. Allahu më dhuron një mendim të drejtë dhe një veprim të saktë.
Prandaj, o ti që je i ngarkuar me brenga, ku je nga thelbi i adhurimit lutja (duaja)?
Mos kërko që të tjerët të luten për ty, por përpiqu vetë në lutje.
Sepse Allahu nuk të ka sprovuar veçse për të dëgjuar lutjen tënde.
Allahu nuk të ka sprovuar veçse për të dëgjuar lutjen tënde.
