Fotoja e parë dhe rrëfimi i një nëne: ç’i tha i biri nga aty?
Në rrjetet sociale është përhapur një foto ku dyshohet se shihet luftanija ruse e fundosur “Moskva”.
Fotoja tregon se si anija u dëmtua dhe se tym i zi i dendur po përhapej nga pjesa e pasme e saj.
Rob Lee, student i doktoraturës në Departamentin e Studimeve të Luftës në King’s College në Londër, komentoi në profilin e tij në Twitter dhe vendosi se ajo duhet të jetë autentike.
“Duket si një foto autentike e ‘Moskva’-s pasi u godit nga raketat ukrainase Neptun,” tha Lee.
Më 14 prill, media shtetërore ruse konfirmoi se “Moskva” u mbyt për shkak të sulmit në Detin e Zi dhe se të gjithë anëtarët e ekuipazhit duhej të evakuoheshin nga anija.
Gazeta e pavarur ruse Novaya Gazeta Europe raportoi dje se rreth 40 marinarë u vranë në sulmin me raketa ndaj kësaj anijeje luftarake ruse dhe se disa ishin të zhdukur.
Ata cituan nënën e një marinari që besohet të ketë qenë në bord. Nëna ka treguar për Gazetën se djali i saj i ka thënë në një bisedë telefonike se “Moskva” është goditur nga tre raketa që kanë mbërritur nga territori ukrainas.
“Ai më thirri dhe qau për shkak të asaj që pa. Ai tha se ishte e frikshme”, tha ajo, duke shtuar se ishte gjithashtu e frikësuar sepse duhej të priste që t’i mbaronte shërbimi ushtarak.
Ai tha se nuk do t’i tregonte asaj detajet e asaj që pa, sepse ishte e tmerrshme, duke shtuar se shumë nga të plagosurit mbetën pa gjymtyrë nga shpërthimet. Novaya Gazeta nuk e publikoi emrin e marinarit dhe nënës së tij. Ministria ruse nuk ka dhënë ende asgjë për viktimat në anijen luftarake. /tesheshi.com/
