Pyetja:
A më lejohet ta fali ikindinë kaza për shkak të punës?
***
Përgjigjja:
Me Emrin e Allahut, të Gjithëmëshirshmit, Mëshiruesit!
Falënderimi i takon Allahut. Paqja dhe bekimet e Allahut qofshin mbi Muhamedin, të Dërguarin e Tij, ﷺ.
Falja e namazit është obligim në kohë të caktuar dhe nuk lejohet të ik koha pa e falur. Allahu i Madhëruar thotë: “.. namazi është obligim (për kohë) i caktuar për besimtarët.” (Nisa: 103)
Dalja e kohës së namazit është mëkat i madh, e mëkati rëndohet nëse kjo ndodh shpesh. Andaj, sipas nesh më e udhës ta braktisësh punën aktuale dhe të kërkosh punë tjetër.
Pejgamberi ﷺ në një hadith ka thënë: ”Me të vërtetë ti nuk e lë diçka për hirë të Allahut, veçse ta zëvendëson atë Allahu me diçka që është më e mirë për ty se ajo që ke lënë.” [2]
Dijetari Ibn Kajimi, ka thënë:
“Sa herë që Allahu i Lartësuar e privon robin e Tij besimtar nga diçka prej kësaj jete, Ai do t’i dhurojë atij diçka që është më e mirë dhe më e dobishme për të. Duhet të theksohet se kjo u jepet vetëm besimtarëve.” [3]
Hoxhë Zejd Haziri
—————————–
[1] Buhariu dhe Muslimi
[2] Ahmedi
[3] El Feuaid
