Ndryshimet klimatike i kanë shkaktuar dëme serioze natyrës së Gjeorgjisë dhe rajonit të Kaukazit në përgjithësi, tha Irakli Garibashvili
Rajoni i Kaukazit, me natyrën e tij të pasur, ka humbur 40 për qind të akullnajave për shkak të ndryshimeve klimatike, deklaroi të hënën vonë kryeministri gjeorgjian Irakli Garibashvili, raporton Anadolu Agency (AA).
Duke folur në sesionin e 26-të të Konferencës së Kombeve të Bashkuara për Ndryshimet Klimatike, ose COP26, në Glasgow të Skocisë, Garibashvili shprehu kënaqësinë e madhe që ishte pjesë e aktivitetit në emër të Gjeorgjisë.
Garibashvili vuri në dukje se ndryshimet klimatike kanë shkaktuar dëme serioze në natyrën e Gjeorgjisë dhe rajonit të Kaukazit në përgjithësi.
“Kaukazi, i njohur për malet, akullnajat dhe lumenjtë e saj të bukur, tashmë ka humbur 40 për qind të akullnajave të tij”, deklaroi Garibashvili.
“Vetëm gjatë dy dekadave të fundit, shpejtësia e humbjes së akullnajave në Gjeorgjinë lindore ka tejkaluar parashikimet”, tha ai.
Duke përmendur se të gjitha vendet duhet të luftojnë në mënyrë sa më efektive për të shmangur fatkeqësitë natyrore globale, ai theksoi se “ne i bashkëngjitemi plotësisht alarmit të paraqitur nga raporti i fundit i Sekretarit të Përgjithshëm të OKB-së të Panelit Ndërqeveritar për Ndryshimet Klimatike që shpalli ‘kodin e kuq për njerëzimin'”.
Garibashvili nënvizoi se rezultatet e konferencës janë jashtëzakonisht kritike për gjithë botën.
“Gjeorgjia pret me padurim rezultatet e guximshme dhe të gjera të këtij samiti, të cilat do të avancojnë ndjeshëm qëllimin tonë të përbashkët klimatik dhe do të na ndihmojnë të dalim nga pandemia (COVID-19) me rezultate më të gjelbra, më të forta dhe më të sigurta se kurrë më parë”, tha kryeministri gjeorgjian.
