Zv/kryeministri rus Yuriy Borisov tha se të gjitha testet kishin përfunduar me sukses dhe se ka filluar dorëzimi i sistemit S-500 në ushtri
Zëvendëskryeministri i Rusisë, Yuriy Borisov tha se dërgimi i parë i sistemit të ri të mbrojtjes ajrore S-500 kishte filluar për ushtrinë e vendit, raporton Anadolu Agency (AA).
Borisov u tha gazetarëve në qytetin rus Tyumen se të gjitha testet e sistemit mbrojtës S-500, të njohur si “Prometeus”, të zhvilluar nga kompania ruse Almaz-Antey, kishin përfunduar me sukses.
“Dorëzimi i parë i sistemit S-500 për ushtrinë ruse ka filluar”, tha Borisov duke shtuar se është një sistem i mbrojtjes hapësinore i aftë për të interceptuar raketat balistike ndërkontinentale, raketa hipersonike kryqëzuese dhe avionë.
Sistemi i ri mbrojtës S-500 do të zëvendësojë sistemet ekzistuese S-400 në inventarin e ushtrisë ruse.
