Një numër i protestuesve të shtunën u mblodhën para ndërtesës së presidencës së vendit dhe bllokuan trafikun në bulevradin kryesor të Sarajevës.
“Njerëzit kanë të drejtë të vënë në pikëpyetje qeverinë dhe mund të shprehin pakënaqësinë e tyre në çdo mënyrë,” transmeton Agjencia Anadolu të ketë thënë njëri nga protestuesit.
Protestuesit mbanin pankarta me shënimin “Të gjithë në rrugë, duam ndryshime!”
Protestat për herë të parë filluan në Tuzla. Njerëzit dolën të protestonin për mbylljen dhe shitjen e fabrikave, ku ishin të punësuar shumë njerëz.
Bosnja është përballur me probleme të mëdha ekonomike dhe sociale që prej përfundimit të luftës./mszh/kohaislame
