Xherdan Shaqiri është bërë njëri nga futbollistët më të kërkuar në Evropë.
Rënia e Stoke Cityt nga elita e futbollit anglez kaq bërë që interesimi për Shaqirin nga skuadrat evropiane të jetë i madh.
Së fundmi garës për transferimin e Shaqirit iu ka bashkuar edhe kampioni i ri turk Galatasaray.
Gjiganti turk është i gatshëm të paguajë klauzolën e Xherdanit e cila është 14,5 milionë euro.
Me të marrë lajmin se Shaqiri mund të transferohet në Galatasaray, tifozët verdh e kuq kanë marrë një iniciativë unike.
Shaqiri duke festuar golin e fundit të shënuar në Ligën Premier. (Getty Images)
Tifozët turq të Galatasarayt, kanë pushtuar Instagramin e Xherdanit duke i shkruar ‘Eja në Galatasaray’.
Në fotot e fundit të Shaqirit në rrjetin social Instagram janë bërë mijëra komente të njëjta nga tifozët turq.
Mbetet të shihet nëse Shaqiri do ta marrë parasysh dëshirën e madhe të tifozëve të Galatasarayt për tu transferuar në Stamboll.
Komentet e tifozëve të Galatasarayt në Instagramin e Xherdanit (Foto/ Xherdan Shaqiri-Instagram)
Të njëjtën gjë e kishin bërë edhe tifozët e Besiktasit me sulmuesin spanjoll Diego Costa duke i kërkuar transferimin te klubi bardh e zi.
Por në fund Costa kishte zgjedhur të rikthehej në Spanjë te Atletico Madrid.
Për Shaqirin interesim kanë shprehur edhe skuadrat angleze si Newcastle United, Everton, Southampton. /Telegrafi/
