Kryeministri egjiptian Hesham Qandil ndërroi 9 ministra të kabinetit të tij, duke bërë me këtë që në qeveri të rritet sërish përfaqësimi i lëvizjes ”Vëllazëria Myslimane”.
Një nga liderët e Partisë “Liri dhe Drejtësi” (pjesëtar i lëvizjes) është emëruar Ministër i Planifikimit. Një tjetër përfaqësues i lëvizjes mori postin e Ministrit të Investimeve.
Ndryshimet e mëparshme në shkallë të gjerë në Qeverinë e Egjiptit ndodhën në janar. Asokohe u zëvendësuan 10 ministra dhe në shumicën e rasteve teknokratët u zëvendësuan nga përfaqësues të “Vëllazërisë Myslimane” apo aleatë të tyre.
