Lëvizja Vetëvendosje ka reaguar përmes një postimi në faqen e saj në Facebook, duke u distancuar nga gjuha e urrejtjes e kandidatit të kësaj partie Sadri Ramabaja. Ai kishte shkruar me ofendim për iftarin e mbajtur në Kamenicë.
Ndërsa Lëvizja Vetëvendosje ka shkruar:“Përmes një statusi në facebook, kandidati ynë për deputet, Sadri Ramabaja, ka komentuar një iftar të organizuar në komunën e Dardanës, me ç’rast ka përdorur gjuhë të papërshtatshme e cila ka bërë të ndjehen të fyer besimtarët muslimanë.
Lëvizja VETËVENDOSJE! distancohet nga gjuha e përdorur dhe qëndrimi i Ramabajës. Shprehim keqardhje për të gjithë ata që janë ndjerë keq nga reagimi i Ramabajës, si dhe mbesim të përkushtuar dhe angazhohemi që liria e besimit të jetë e pacenueshme.”
Kujtojmë se Ramabaja është një islamofob historik, ai në këto zgjedhje ka dështuar bindshëm, duke marrë shumë pak vota.
