Po vazhdon kërkimi i dy policëve që me veturë kanë rënë në humnerë në mbrëmjen e të shtunës në magjistralen Kaçanik-Han i Elezit.
Në vendin e ngjarjes tashmë janë edhe pjesëtarë të FSK-së, si dhe njësiti i zhytësve të cilët janë futur në lumin Lepenc në kërkim të dy policëve të zhdukur.
Zëdhënësi i Policisë së rajonit të Ferizajt, Agim Gashi, ka deklaruar se policët kanë qenë në një makinë zyrtare dhe janë vet-aksidentuar duke rënë nga ura mbi Lepenc.
Ngjarja ka ndodhur rreth orës 21:00.
