Unë Brenda këtij Dhjetëshi

(dhjetë ditët më të mira të vitit – dhjetë ditët e Dhul-Hixhes)

Plan-program konkret për kalimin e këtyre dhjetë ditëve nga kryefamiljari dhe familja e tij

Allahu na dhashtë sukses ta kalojmë në mënyrë optimale këtë mundësi të artë adhurimesh!

Dita e Parë

• Unë:
• Do dëgjoj një ligjeratë e cila do më motivoje për kalimin më të mirë të këtij dhjetëshi.
• Planifikoj që ta kryej një hatme të Kuranit brenda këtyre dhjetë ditëve.
• Familja ime
• Unë dhe familja ime do shohim një video që flet për vlerën e dhjetë ditëve të Dhul-Hixhes.
• Do angazhoj njërin fëmijë të menaxhoje një hallkë Kurani me fëmijët e familjes.
• Dhjetë ditët janë një fillim i mbarë për të filluar fëmijët me faljen e rregullt të namazit.

Dita e Dytë

• Unë:
• Do e ripotencoj qëllimin tim për tu dhënë iftar atyre që agjërojnë nga familja ime në këto dhjetë ditë të Dhul-Hixhes.
• Do e mësoj Suren El-Kehf dhe do e detyroj veten ta lexoj çdo ditë para gjumit.
• Familja ime:
• Do e ngris zërin me tekbire dhe tehlile që të më marrin shembull antarët e familjes sime.
• Do e pakësoj kohën të cilën e harxhojnë fëmijët e mi para ekraneve teknologjike dhe do i mbush me aktivitete shtëpiake me të cilat forcohet shëndeti i tyre psiqik dhe fitojnë shkathtësi të reja për jetë.

Dita e Tretë

• Unë:
  • Do lexoj në tefsirin e sures El-Haxh.
  • Do i shfrytëzoj këto dhjetë ditë për të filluar që të kujdesem edhe t’i përmbahem faljes së Suneteve të rregullta.
• Familja ime:
• Do ua bëj një kuiz familjes time për Haxhin.
• Do planifikojmë me familjen time vizitën e farefisit, sepse është bë një kohë e gjatë që nuk i kemi vizituar. Dita e Katërt
• Unë:
• Do kontribuoj në një organizatë humanitare për tu kujdes për një jetim, apo për të dhënë ndihma humanitare nevojtarëve, etj.
• Do ngelem në vendin ku jam falur deri sa të vijë koha e namazit tjetër që të marr shpërblimin e qëndrimit në namaz përderisa e pres namazin.
• Familja ime:
• Do i mbledhim rrobat që na teprojnë, do i pastrojmë, do i hekurosim, do i prafymosim dhe do ua dhurojmë atyre që kanë nevojë, që të gezohen me to.
• Do ulem të bisedojë me familjen cilat janë të arriturat më të mëdha gjatë vitit të kaluar hixhri dhe si mund të më afrojnë këto rezultate te Allahu.

Dita e Pestë

• Unë:
• Për çdo namaz do marr abdes të ri edhe pas çdo abdesi do i fali dy rekate namaz të abdesit.
• Do kujdesem për njërin nga dhikret e gjumit çdo natë para se të flej. (thënien: 33 subhanallah, 33 elhamdulilah, 34 Allahu Ekber). Më shumë të ndihmon ky dhikër se sa një shërbetorë, siç i ka thënë Pejgamberi, ﷺ , Fatimes, radijallahu anha.
• Familja ime:
• Do i propozoj fëmijëve të mi që të marrin pjesë në ndonjë projekt humanitarë.
• Do i lexojmë pesë hadithe mbi haxhin të zgjedhura nga Sahihu i Imam Buhariut.

Dita e Gjashtë

• Unë:
• Do hartoj planin tim për vitin e ardhshëm dhe do e lus Allahun që të më jep inspirim, kurajo edhe sukses në realizimin e këtij plani.
• Do mundohem të falem në një të tretën e fundit të natës duke i falur disa rekate.
• Familja ime:
• Në mbrëmje do kërkoi nga ai që di të rrëfen më së miri të na rrëfen tregimin e Ibrahimit, alejhisselam, me Haxherin.
• Do nxis fëmijët e mi të pinë sa më tepër nga uji i zemzemit edhe do ua tregoj vlerën e ujit të zemzemit dhe dobinë që kemi prej tij.

Dita e Shtatë

• Unë:
• Të gjitha angazhimet e mia që i bëj në shtëpi gjatë këtyre ditëve do i bëj me nijet që të më regjistrohen si shpërblime nga Allahu.
• Do i përmbahem leximit të Ajetul-Kursisë pas çdo namazi, sepse “kush e lexon Ajetul-Kursijnë pas çdo namazi asgjë nuk e pengon të hyjë në xhennet përpos vdekjes”, siç ka thënë Pejgamberi, ﷺ.
• Familja Ime:
• Do i propozoj fëmijëve që të thërrasim dikë nga familja në iftar për të marrë edhe shpërblimin e iftarit edhe të nderimit të musafirit.
• Do i porosisë fëmijët që çdo natë para gjumit të falin namazin e vitrit.

Dita e Tetë

• Unë:
• Do caktoj një kohë për ta lexuar suren El-kehf dhe komentin e kësaj sure nga ndonjë tefsir i shkurtër që kemi.
• Do bëj dhikrin e mbrëmjes dhe do dërgoj shumë salavat mbi Pejgamberin ﷺ.
• Familja Ime:
• Planifikoj me familjen time që të fal namzin e xhumasë në xhamin më të afërt që kemi.
• Do dëgjojmë me fëmijët një këshillë që flet për vlerën e leximit të sures El-kehf.

Dita e Nëntë

• Unë:
• E fali namazin në xhami dhe do rri aty ku jam falur deri sa të lind dielli që pastaj të fali dy rekate namaz.
• Në ditën e Arafatit do i caktojë dy orët e fundit për tu lutur për mua dhe për të gjitha ata që u kam hak.
• Familja ime:
• I nxis fëmijët që të agjërojnë ditën e Arafatit dhe u tregoj shpërblimin që marrin nga ky adhurim.
• U sqaroj fëmijëve si të luten dhe si ti kërkojnë nevojat e tyre gjatë lutjes.

Dita e Dhjetë

Dita e Bajramit, dita e gëzimit dhe dëfrimit në hallall edhe urimit të njëri tjetrit të kësaj feste të Madhe.

Dita e Bajramit, dita e stolisjes dhe veshjes me rroba të reja dhe të bukura.

Dita e Bajramit, dita e shkëmbimit të ëmbëlsirave dhe dhuratave.

Allahu na i pranoftë adhurimet dhe lutjet!

Allahu na e sjelltë këtë Festë edhe shumë vite tjera duke qenë ne në gjendje më të mirë dhe mbarë Umeti Islam!

Allahu na e sjelltë këtë festë madhe edhe shumë vite duke qenë i zgjidhur problemi i Palestinës! Amin!

Përgatiti: Bekir Halimi