10.1 C
Pristina
Friday, October 22, 2021

Udhëheqësi i ardhshëm i Gjermanisë do të jetë vendimtar për ekonominë e vendit

Më të lexuarat

Me largimin e kancelares gjermane Angela Merkel pas zgjedhjeve të ardhshme federale të dielën, përparësitë e vendit mund të ndryshojnë në mënyrë dramatike.

Është pothuajse e sigurt se qeveria e ardhshme (ashtu si ajo aktuale) do të jetë një koalicion, por ajo që është më pak e sigurt është se cilat parti do të krijojnë ose do të dominojnë një aleancë qeverisëse.

Forma e koalicionit të ardhshëm do të ketë padyshim një ndikim të madh në ekonominë gjermane, e cila është më e madhja në Europë. Në vitin 2019, pothuajse një e katërta e prodhimit të brendshëm bruto të BE-së (24.7%) u krijua nga Gjermania, sipas Eurostat.

Sondazhet tregojnë se Partia Social Demokratike e majtë mbetet në krye me 25% të votave, aleanca konservatore në pushtet CDU-CSU, aktualisht ka 22% të votave. Partia e Gjelbër, mbetet mbrapa me 15% të votave.

83% e ekonomistëve gjermanë besojnë se niveli më i ulët i rritjes ekonomike do të ishte produkt i një koalicioni nga SPD, Partia e Majtë (Die Linke) dhe të Gjelbrit.

77% e ekonomistëve thanë se prisnin që, përveç rritjes më të ulët ekonomike, një koalicion i tillë do të çonte në shkallën më të lartë të papunësisë dhe 86% besonin se do të rriste borxhin kombëtar. Megjithatë, 55% e ekonomistëve gjithashtu besojnë se një aleancë e tillë e majtë do të arrinte reduktimin më të madh neto në pabarazinë e të ardhurave.

44% e ekonomistëve besojnë se një koalicion CDU-CSU dhe FDP që është një parti pro-biznesit, do të arrinte normën më të lartë të rritjes ekonomike për Gjermaninë, edhe pse këtij grupi i mungon shumica në sondazhet aktuale.

Një koalicion i tillë do të arrinte shkallën më të ulët të papunësisë, sipas 43%, dhe raportin më të ulët të borxhit publik, sipas 73% të ekonomistëve.

“Nëse formohet një koalicion midis CDU-CSU, FDP dhe të Gjelbërve, ekonomistët besojnë se efektet në rritjen, pabarazinë, raportin e borxhit publik, shkallën e papunësisë dhe emetimet e karbonit do të ishin më të përmbajtura.

Sondazhet janë hapur

Më pak se një javë përpara zgjedhjeve federale të 26 shtatorit, Social Demokratët vazhdojnë të kryesojnë në sondazhe. Sidoqoftë, aleanca e krishterë duket se ka rimarrë terren. Por edhe nëse SPD-ja fiton, kjo nuk do të thotë domosdoshmërisht se ministri i financave Olaf Scholz do të bëhet kancelari i ardhshëm; kandidati nga CDU/CSU Armin Laschet ende mund të përpiqet të tejkalojë Scholz, për shembull duke u përpjekur të formojë një qeveri alternative me të Gjelbrit dhe Liberalët e qendrës së djathtë (FDP)./ CNBC

- Advertisement -spot_img

Më tepër

Të fundit